tradukoj: br de en fr hu nl pl pt ru sv

^*par/o [1]

^*paro

1.

Aro el du objektoj aŭ estuloj prezentantaj ian similecon aŭ rilatecon kaj konsiderataj kiel unu tuto, nome:

a)

Aro de du samspecaj objektoj destinitaj por kuniĝo: paro da gantoj, ŝuoj.

b)

Duopo da samspecaj estuloj: paro da bovoj, da amikoj.

c)

Du samspecaj sed malsamseksaj individuoj: geedza paro; por paro amanta ĉiu loketo sufiĉas [2]; bela paro por altaro [3].

2.

[4] Matematika objekto, konsistanta el du objektoj prenitaj laŭ difinita ordo: oni signas per (a,b) la paron konsistantan el a kaj b; (a,b) = (b,a), se kaj nur se a = b; en la paro (a,b), a estas la unua termo kaj b la dua; la paroj (a,b) kaj (c,d) estas egalaj, se kaj nur se a = c kaj b = d; eblas derivi la nocion paro de la nocio aro, identigante (a,b) kun la aro {a,{a,b}}. duopotermo de parokartezia produto
Rim.: Naciaj lingvoj ofte hezitas, ĉu paro estu duopo aŭ duelementa aro, kaj laŭbezone aldonas „ordigita“ por la unua, kaj „neordigita“ por la dua. Tiun ĉi konvencion sekvas [5], sed ŝajnas al ni preferinde konsideri, ke la baza senco estas duopo.

inversa paro

(de paro (a,b)) La paro, kies termoj estas en kontraŭa pozico, t.e. (b,a). Oni diras ankaŭ: inverso de paro.

para

1.

Konsistiganta paron: paraj turtoj; paraj kolonoj.

2.

a)

[6] (p.p. entjero) Dividebla per 2: 6 estas para nombro.

b)

[7] (p.p. funkcio) Tia, ke ĝi alprenas egalajn valorojn ĉe kontraŭegalaj argumentoj: la funkcio x² estas para.

c)

(p.p. permuto) Havanta paran ^2.a nombron da renversaĵoj.

nepara

a)

[8] (p.p. entjero) Ne dividebla per 2: neparaj entjeroj kongruas kun 1 module 2.

b)

(p.p. funkcio) Tia, ke ĝi alprenas kontraŭegalajn valorojn ĉe kontraŭegalaj argumentoj: la funkcio x³ estas nepara.
Rim.: Ial [9] preferas la formon „malpara“ ĉi-sence.

c)

(p.p. permuto) Havanta neparan ^1.a nombron da renversaĵoj.

pareco

Eco de io para: pareco de entjero estas ekvivalenta al pareco de ĝia lasta dekuma cifero; la pareco de permuto (identigebla kun la valoro de signumo ĉe ĝi).

parigi

Kunigi en paron.

parulo

Viro rigardata kiel ano de portempa aŭ konstanta paro: li estis mia parulo en la balo.

parulino

Ino rigardata kiel ano de portempa aŭ konstanta paro: nun ŝi rajtus kunvivi kun li kiel lia permanenta parulino [10].

punktoparo

Paro, konsistanta el du punktoj. ekvipolenta.