tradukoj: de en fr hu nl pl pt ru

^*rang/o [1]

^*rango

1.

Grado, ĉe kiu staras iu persono en difinita hierarkio: la diversaj rangoj de la eklezia, militista, administracia oficistaro; akiri nobelan rangon; okupi altan rangon en la socio; niaj amikoj reprezentus per si ĉiujn rangojn, statojn kaj klasojn de la homoj.

a)

[2] oni ne konfuzu militistan rangon kun la ofico; havi rangon kolonelo.

b)

pastra, episkopa rango.

c)

ĉiu emblemo entenas 13 ludkartojn diversrangajn.

2.

Grado de graveco de iu aŭ io: multaj rigardas Esperanton kvazaŭ ion ne seriozan, kvazaŭ distron aŭ ilon de dua rango; kaŭĉuko fariĝis nun unuaranga materio, kiel ŝtalo aŭ karbo.

3.

a)

(de n vektoroj de vektora spaco) Dimensio de la vektora subspaco, kiun ili naskas.

b)

[3] (de (n,p)-matrico A super korpo K) Dimensio de la vektora subspaco de Kⁿ, kiun naskas ĝiaj vertikaloj; simb. rang A.

c)

(de homomorfio inter vektoraj spacoj) Dimensio de ĝia bildaro: la rango de endomorfio de finidimensia spaco egalas al la diferenco inter la dimensio de la spaco kaj la dimensio de la kerno de la endomorfio.

rangi

Okupi iun rangon: li rangas kiel ambasadoro.

rangulo

Iu, havanta malsuperulojn en hierarkio, precipe militista: la ceteraj [membroj de la societo] estis funkciuloj de la cara registaro, efektivaj sekretaj konsilistoj kaj aliaj ranguloj [5]; la rangulo taskita pri la pridemandadoj diris al ni ke ni ne alkonduku ilin [al la malliberejo:] „Mortigu ilin“, diris li [6].
Rim.: Vidu la rimarkon sub senrangulo.

antaŭrangi

Havi pli altan rangon; havi pli fortan rajton, prioritati: en la koro de la marksisma nocio de klasbatalo antaŭrangas la ideo ke la „paca“ socia vivo montras la venkon provizoran de la dominanta klaso [7].

altranga

Havanta en hierarkio aŭ en socio gravan, influan aŭ prestiĝan funkcion.

altrangulo

Homo kun grava posteno, funkcio aŭ rolo: estas pensige vidi, kiel altranguloj miskomprenas sin reciproke [8]. elito

duaranga

Malpli grava, kvazaŭ estanta post unua rango de pli gravaj: tio estas duaranga demando [9].

plirangigi

promocii

samranga

Kun sama funkcio, potenco aŭ graveco en socio aŭ societo.

samrangulo

Homo egala al alia rilate oficon, gravecon, aŭtoritaton. kolego ²

senrangulo

Iu, havanta la plej bazan rangon en hierarkio, precipe militista: oni ne povas degradi lin, ĉar li estas senrangulo [11].
Rim.: De logika vidpunkto ĉiu ŝtupo de la hierarkio devus esti konsiderata kiel rango, sed en iuj okazoj oni kutimas diri, ke la plej malaltaj ŝtupoj „ne estas rangoj “. Ekz-e, simpla soldato estas senrangulo, same kiel unuaklasa soldato, kiu tamen ricevis distingon lin apartigantan de la stato de simpla soldato. La vortoj rangulo kaj senrangulo baziĝas sur tiaj kutimoj.