tradukoj: be de en es fr hu nl pl pt ru

⁹matric/o ^Z

⁹matrico

1.

Reliefa modelo: bulo, peco aŭ muldilo, per kiu oni povas fabriki similajn pecojn per fandado, frapo, giso, premo: monerojn oni frapas per matrico.

a)

Formo por gisi litertipojn.

b)

Kartona formo preme reproduktita de kompostaĵo kaj per kiu oni povas gisi stereotipojn.

2.

(en galvanoplastiko) Formo, kiu kovriĝas per maldika tavolo de metalo. patrico

3.

[1] (kun n horizontaloj kaj p vertikaloj) (n,p)-matrico.

4.

Dudimensia tabelo. vektoro

matrici

Formi per matrico: li transdonis al sinjoro Povondra vizitkarton, sur kiu estis matricita ankro [2].

(n,p)-matrico

(super komuteca korpo K) Bildigo de I×J al K, kie I = {1, 2,..., n} kaj J={1, 2,..., p}: matricon A oni kutime signas kiel familion, t.e. per skribaĵo (A_ij)_(i,j)∈I×J, kie A_ij signas la bildon de (i,j) per A kaj estas nomata elemento (aŭ koeficiento) de A kun indico (i,j); la nombrojn da horizontaloj kaj vertikaloj de (n,p)-matrico oni nomas ties dimensioj kaj signas ilin per skribaĵo de la tipo (n,p) aŭ n×p; eblas prezenti al si (n,p)-matricon A kiel rektangulan tabelon, ĉe la interkruciĝo de kies i-a horizontalo kaj j-a vertikalo staras la elemento A_ij.
Rim.: Multaj fakaj terminoj rilatantaj al matricoj baziĝas sur la ĉi-supre menciita tabela metaforo. Malpli fakece: matrico kun n horizontaloj kaj p vertikaloj; Partoj de matrico: horizontalo, vertikalo, diagonalo, submatrico; elemento, indico de elemento, koeficiento, termo; atributoj de matrico: dimensioj, ajgeno, rango, spuro, determinanto, minoro, kofaktoro; rimarkindaj ecoj de matrico: kvadrata, diagonala, diagonaligebla, triangula, simetria, hermita, regula; operacioj super matricoj: matrica adicio, matrica multipliko, multipliko de matrico per skalaro, transpono; Specifaj matricoj: unuomatrico, nulmatrico, matrico de homomorfio, jakobia matrico de bildigo, horizontalo, vertikalo.

(n,p)-matrico

nulmatrico[3], matrica nulo

(n,p)-Matrico, kies ĉiuj elementoj estas nulaj: nulmatrico estas nulo rilate al la matrica adicio.

submatrico

(de (n,p)-matrico A) Tia (n',p')-matrico B, ke (1) n' ≤ n kaj p' ≤ p, (2) la elemento de B kun indico (i,j) egalas al la elemento de A kun indico (α(i),β(j)), kie α (respektive β) estas strikte kreskanta bildigo de {1, 2,..., n'} al {1, 2,..., n} (respektive de {1, 2,..., p'} al {1, 2,..., p}): el (n,p)-matrico oni povas formi p submatricojn kun dimensioj (n,1); eblas prezenti al si submatricon B per tio, kio restas el matrico A, kiam oni forstrekis iujn horizontalojn kaj vertikalojn de ĝi.

unuomatrico, matrica unuo

(n,p)-Matrico, kies ĉiuj termoj estas nulaj, krom la diagonalaj, kiuj egalas al la unuo: la unuomatricon oni kutime signas per I; unuomatrico estas unuo rilate al la matrica multipliko.

jakobia matrico

(de bildigo f de p-dimensia al n-dimensia normohavaj spacoj, diferencialebla ĉe punkto a) La (n,p)-matrico de ĝia diferencialo ĉe a: la ĝenerala elemento de la jakobia matrico de f ĉe a egalas al ∂_jf_i(a). Jakobio, jakobiano.

matrico de vektora homomorfio

(p.p. homomorfio f de p-dimensia vektora spaco E al n-dimensia F, ambaŭ super korpo K, rilate al respektivaj bazoj B_E kaj B_F) Tia (n,p)-matrico A super K, ke a_ij estas la i-a komponanto laŭ bazo B_F de la bildo per f de la j-a vektoro de B_E: la matrico de endomorfio estas kvadrata; la matrico de idento estas la unuomatrico; la matrico de kunligaĵo de du homomorfioj egalas al la produto de la matricoj de ĉiu homomorfio.

    Mi ne trovis auxtoritatan fonton por tiu termino. MatVort
    havas "~a unito" kaj "~unito", kiun mi opinias duoble
    nekonvenaj: unue pro la uzo de "unito" kaj due pro la ordo
    de elementoj. Mi preferis terminon paralelan al "nulmatrico",
    "nulvektoro". [MB]