tradukoj: be de en fr pl pt ru

diferencial/o

diferencialo

1.

(de bildigo f inter du normohavaj spacoj, ĉe punkto a de la fonto-aro) Tia kontinua homomorfio u, ke f(a+h)-f(a) = u(h)+||h||.ε(h), kie la bildigo ε strebas al nulo, kiam h strebas al nulo: la diferencialon de f ĉe a oni plejofte signas per df(a), df_a, aŭ f′(a); la diferencialo ĉe punkto a de reela derivebla funkcio y = f(x) estas la lineara funkcio, kiu ĵetas ajnan nombron dx (nomatan diferencialo de la argumento) al dy = f′(a).dx.

2.

(de bildigo f inter du normohavaj spacoj) La bildigo, kiu ĵetas ĉiun punkton de la fonto-aro de f al la diferencialo ¹ de f ĉe tiu punkto: dua diferencialo (diferencialo de la diferencialo), tria diferencialo (diferencialo de la dua), ... n-a diferencialo. diferenciala formo.

diferenciali

Trovi diferencialon de funkcio: diferencialado. derivi;integrali.

diferenciala

Rilata al diferencialoj kaj diferencialado. diferenciala ekvacio, diferenciala formo, diferenciala kalkulo.

diferencialebla

(p.p. bildigo f inter du normohavaj spacoj, ĉe punkto a de la fonto-aro) Tia, ke ekzistas ĝia diferencialo ¹ ĉe a: la funkcio sinuso estas diferencialebla (ĉe ĉiu punkto de ĝia fonto-aro); diferencialebla reela funkcio estas ankaŭ derivebla, sed la samo ne veras por kompleksaj funkcioj.