tradukoj: be ca de en es fr hu nl pl pt ru sv

^*glit/i [1]

^*gliti

1.

Facile surŝoviĝi sur glata aŭ grasa supraĵo: oni glitas kiel sur sapo; ŝtono glitas sur la glacio; mi lasis min gliti en la kavaĵon; molekuloj de fluidaĵo facile glitas unu sur alia; dehakitaj arboj glitis laŭlonge de la deklivo; fiŝoj glitas en akvo, birdoj en aero; degliti de la ĉevalo^B.

2.

Antaŭeniĝi sur glata supraĵo, konservante sian ekvilibron: la infanoj glitis gaje sur la nova glacio.

3.

Perdi la starecon kaj ekvilibron, marŝante sur glata supraĵo: mia piedo ekglitis sur la vaksita pargeto, kaj mi falis.

4.

(figure) Pasi senbrue, facile, nerimarkite: la servistoj senbrue glitis inter la manĝantoj; centoj da bildoj glitis tra liaj pensoj [2]; senvole glitis miaj okuloj al mia ŝranko; lian koron traglitas mallumaj nuboj^Z; li traglitis inter la ĉeestantaro; la pejzaĝo rapide preterglitis antaŭ liaj okuloj; ili glitas (falas) iom post iom en profundan mizeron.

glito

1.

Ago gliti.

2.

Preskaŭ neperceptebla transiro inter du sinsekvaj distingeblaj pozicioj de la voĉorganoj.

3.

Metrika licenco, pro kiu oni toleras anstataŭigon de komenca jambo per trokeo: „sígno de kór' sováĝa kaj senbrída“^Z (en kvinjambo); kelkaj poetoj volis eĉ iri plue: ili provis duoblan gliton, t.e. la trokeigon de la du unuaj piedoj [3].

glita, glitiga

1.

Tiel glata aŭ grasa, ke oni glitas marŝante sur ĝi aŭ ekkaptante ĝin: glita pargeto, angilo; okazon kaptu ĉe l' kapo, ĉar la vosto estas glita[4]; glitiga substanco.

2.

(figure) Evitema, elturniĝa, malfacile kaptebla: spiritoj glitigaj, kiel serpenta korpo^Z; angile glitaj argumentoj.

glite-glate, glite kaj glate

(frazaĵo) Tre facile, sen ajna ĝeno: la kontakto kun la gravaj sinjoroj efektiviĝis glite kaj glate [5].

glitado

Ago aŭ stato de glitanto: glitado de sportistoj; fali pro glitado.

glitemigi

lubriki

glitilo

Ĉia ilo glitanta, servanta por gliti aŭ glitigi, kaj pli speciale:

a)

glitveturilo;

b)

glitŝuo: hodiaŭ estas bela frosta vetero, tial mi prenos miajn glitilojn kaj iros gliti [6].

degliti

Malproksimiĝi de io glitante, malsupreniri glitante: ŝi deglitis de la tirkesto rekte sur la plankon [7]; miaj fingroj kaptis la randon: mi penis teni min, sed miaj fingroj deglitis, kaj mi refalegis [8]; kvankam la viro aspektis maljuna, li deglitis de la kamelo kun rimarkinda facilmoveco [9]; (figure) [la suno] plu deglitis malsupren longigante la ombrojn [10].

deglitilo

(evitinde) tobogano Deglitilo estas infana atrakcio troviĝanta plej ofte en infanludejoj, ĉe basenoj, naturaj akvaj areoj destinitaj por baniĝado, nuntempe ankaŭ en infananguloj de magazencentrejoj kaj en infanĉambroj. [11]

deglitejo

tobogano 12. tobogano, deglitejo [12]

elgliti^Z, forgliti^Z

1.

Foriĝi glitante: fiŝo elglitas el mano; el lia mano ĉiu monero elglitas (li estas tute malŝparema). [13]

2.

(figure) Foriĝi nerimarkite, ellasiĝi: elgliti el domo, el ĉambro; tiu vorto senvole elglitis el lia buŝo; elglitiĝis el sub liaj piedoj la fundamento de lia materiala ekzistado^Z; la povo forglitis el liaj manoj; el sub la ŝajno de ĝentileco elglitis (aperis, elvidiĝis) ĉiumomente ilia fiero kaj malŝato [14]; tiu demando elglitis la registarojn (la registaroj ne atentis tiun demandon).

engliti

Eniri glitante: ĉiuj ekiris al la truo kaj singarde englitis tra ĝi [15]; (figure) la polvo englitas en keston [16]; (figure) diversaj malordoj englitis en mian kortegon [17].

glitfali

Gliti 3.

glitkuri^Z, glitumi^Z

Gliti 2 por amuziĝi, fizike ekzerciĝi.

glitpunkta, glitkoma

Rilata al la maniero prezenti nombron en la formo M×b^E, kie b estas la bazo de pozicia nombrosistemo; M estas la mantiso (b-uma frakcio) kaj E estas la eksponento. 12.3×10¹, 1.23×10², 0.123×10³ estas egalaj nombroprezentoj glitpunktaj. poziciaj frakciojreelojfikspunkta, fikskoma

    La unua subsenco estas dubinda, kaj la dua ne estas
    absoluta sinonimo de ~sxuo. [MB]
  

    Trovebla nur ĉe Vikipedio. Ĉie alie uzatas deglitejo
    aŭ preferinda tobogano.
    [SC]
  

      La ekz-o kun „el~igxi“ meritus klarigon pri la
      sencnuanco disde el~i. La lasta ekz havas strangan konstruon:
      el~i iun = el~i el ies atento. Indus trovi aliajn ekz-ojn kaj krei
      apartan sencon.
      [MB]