tradukoj: be de en es fr he hu it nl pt ru

¹impuls/o [1]

impulso

1.

Ekpuŝo, ekpremo:

a)

Ekpuŝo de fizika forto, kiu ekmovas ion: la impulso estas donita de la motoro al la maŝino; milda impulso de favora vento; (figure) sociala neegaleco estas la impulso (motoro) de la ekonomia proceso [2]. impeto, svingo.

b)

Ekpremo de instinkto aŭ emocio, kiu instigas senvole kaj senkontrole al ia ago: impulso subita, nobla, natura [3], neretenebla [4]; li ne povas rezisti al sia unua impulso; la impulso estis pli forta ol lia volo; agi laŭ sia propra impulso; iuj opinias, ke dum jarmiloj seksa impulso en Ĉinio ofte estis subpremata de la feŭda etiko [5]; tuta nia vivo baziĝas sur difinita kvanto da primaraj instinktoj kaj impulsoj [6]. instigo, iniciato, incito 2.

c)

Iniciato de iu afero kaj daŭra subteno al ĝi, kio ofte instigas aliajn partopreni en ĝi: sub la impulso de Raymond Guéguen [...] pluraj Esperanto-asocioj decidis kunorganizi komunan kongreson [7]; de la berlinaj Esperantogeamikoj eliris gravaj impulsoj por la disvastigo de Esperanto en Germanio [8].

d)

[9] Mallongdaŭra kurento: elektrokemiaj impulsoj fluas tra la neŭronoj, kaj donas al la homo konscion [10].

2.

(evitinde) movokvanto.

impulsi

1.

Doni impulson ^1.a: la vaporo impulsas la piŝton. movi, funkciigi.

2.

Doni impulson ^1.b: impulsita de sia konscienco, de la kolero.. peli, puŝi.

3.

Iniciati, subteni kaj instigi aliajn al daŭrigo: la movado estas nun impulsata precipe de la junuloj [11]; ankaŭ la Ĉina Akademio de Sciencoj impulsas la protektadon de la bionta varieco (biologia diverseco) al pli vasta sfero kaj alta kvalito [12]; [Eugen Wüster] estas ankaŭ la fondinto de la terminologia scienco kaj li impulsis diversajn aliajn sciencobranĉojn [13].

impulsa

Rilata al impulso, donanta impulson: impulsa forto, motivo; kun impulsa sinoferemo Adaha decidis senprokraste [...] rapidi al Babel, por averti Omaron [14]; - Konsentite! - impulse ekkriis Margarita kaj kaptis la manon de Azazello [15].

impulsema

impulsiĝema: vi estas tre agema, iom impulsema kaj, eble, kelkafoje eĉ senpacienca [16].

impulsiĝema

Facile sekvanta impulson ^1.b, nesinreganta: impulsiĝema karaktero, virino; „Krudulo!“ siblis la impulsiĝema Helings [17]. impulsema.

nervimpulso, nerva impulso

Malgranda elektra ŝanĝo, kiu ĉene iras tra la nerva sistemo: se iu kvanto da dendritoj de iu neŭrono estas ekscitita, okazos nervimpulso al la konektitaj neŭronoj [18]; generado kaj disvastiĝo de nerva impulso [19].

      Mi ne scias, surbaze de kiu verko estis enkondukita
      cxi tiu termino. PV kaj la PIVoj ne konas gxin.
      Vd ankaux
      http://groups.yahoo.com/group/per-esperanto-bazascienco/message/295
      Tial mi gxin signas "evitinda".
      [MB]