tradukoj: be de en es fr hu nl pl pt ru

^*lini/o [1]

^*linio

1.

[2] Unudimensia geometria figuro: rekta, kurba, rompita linio; linio estas la bildaro de kontinua bildigo de la aro de reeloj al la koncerna spaco, kiun bildigon oni nomas parametra prezento de la linio. kurbo.

2.

Strio, vico de sinsekvaj aĵoj.

a)

Vico da objektoj aŭ personoj ordigitaj laŭ difinita direkto: duobla linio da arboj; armeo ordigita laŭ tri linioj.

b)

Kontinua streko montranta difinitan direkton: la belforma kaj delikata linio de tiu buŝo [3]; linioj de desegno, de la vizaĝo, de la mano; konduki, streki, desegni, tiri linion; konturo

c)

Sinsekvo de vojoj trairotaj: marvetura, trafika linio; organizi, aranĝi liniojn de busoj, de avioj; sekvu la fervojlinion, ĝis vi alvenos la stacion [4].

d)

Vico da skribosignoj metitaj laŭ la ordinara legodirekto: superlinia signeto^Z; iom pensinte, ŝi skribis la sekvantajn liniojn [5]...

e)

Sinsekvo de idoj ekde unu praulo: li estis ŝia malproksima parenco en la patrina linio [6].

linia

1.

Rilata al linio: linia aranĝo, desegno.

2.

(arkaismo) [7] Lineara: linia ekvacio.
Rim.: Kvankam arĥaiĝinta, tiu senco restas logika, radikŝpara, internacia kaj promociinda. Riskoj de ambigueco apenaŭ ekzistas.

linie

En linia ordo.

linii

Fari liniojn, marki liniojn sur io: liniita papero.

liniilo

Ilo por streki liniojn: kion tiuj homoj farus ... se ne plu estus krajonoj? Sed tiukaze certe estus liniilo aŭ inksorbilo [8].

liniaro

En muzika skribo aro da horizontalaj linioj, sur kiuj estas lokitaj la diversaj notoj.

laŭliniigi

Ordigi laŭ linioj: laŭliniigi monerojn sur la tablo. vicigi

gvidlinio

1.

Linio antaŭdesegnita por gvidi dum posta skribado, inkado, kolorigo...: János, sen helpo de krajono aŭ gvidlinioj, tute nature kreas laŭ bildo en sia kapo [9]. ŝablono

2.

(figure) Ĝenerala instrukcio entenanta ĉefajn, ne detalajn kaj ne tute devigajn regulojn: Politikaj Gvidlinioj de la Eŭropa Federacio de Verdaj Partioj [10].

limlinio

Videbla linio markanta la limon de surfaco: (figure) en ĝi kuŝas la limlinio de la prudento, kaj tiun limlinion oni ne devas transpaŝi [11]; la kvar limlinioj nomiĝas „la unua linio“ ... la dua linio, la tria linio ktp [12]. konturo

rompita linio

Linio, konsistanta el kontinua sinsekvo de strekoj: la rando de plurlatero estas fermita rompita linio.