tradukoj: ca de en fr hu nl pl ru

^*strek/i

^*streki

1.

Desegni linion per unusola movo de krajono aŭ plumo. desegni, tiri ⁷

2.

(figure) Estigi linion: nuboj da anasoj strekis grandan rondon^B; streki per la fingroj tra sia hararo; fulmoj strekis la mallumaĵon.

streko

1.

La postsigno, lasita sur papero, tolo ks de unu movo de krajono ks: li desegnis gruon per kvar geniaj strekoj^PIV1; ni faru bonan dikan strekon tra la lasta jaro^Z (por ĝin simbole nuligi). strio, trajto, rubando, vejno.

2.

[1]

a)

(elementa geometrio) (kunliganta punktojn A kaj B) Segmento kun randoj A kaj B de la rekto trairanta A kaj B: la streko, kunliganta du punktojn de cirkla linio, estas nomata ŝnuro; latero de triangulo estas streko.

b)

(afina geometrio) (kunliganta punktojn A kaj B en afina spaco) Aro de ĉiuj pezocentroj de A kaj B kun pozitivaj koeficientoj.

c)

[2] (kunliganta du vektorojn a kaj b en reela vektora spaco) Aro de ĉiuj vektoroj de la tipo t∙a+(1-t)∙b, kie t∈[0,1].

ĉirkaŭstreki

Ĉirkaŭigi per streko.

dividstreko, streketo

Interpunkcia signo (-) i.a. uzata por dividi kunmetitajn vortojn, por transporti parton de vorto al alia linio.
Rim.: Askio kaj tajpiloj konfuzas dividstrekon kun minuso; tamen en normala presarto ili klare diferencas.

haltostreko

Interpunkcia signo, iom pli longa ol dividstreko, uzata por signi dialogon aŭ por apartigi frazpartojn pli forte ol per komo.

elstreki, forstreki

Forigi, nuligi trastrekante; fari strekon sur io skribita por nuligi ĝin: elstreki la viandon el sia tabelo de manĝoj^K; nun volu pardoni ilian pekon; kaj se ne, tiam volu elstreki min el Via libro, kiun Vi skribis [4]; farita ― elstrekita [5]; ili estas elstrekitaj el la libro de vivantoj^Z.

substreki

1.

Fari strekon sub io skribita.

2.

(figure) Akcenti, insisti pri io: specialan substrekon meritas la fakto ke...

substreko

Tipografia signo _, malalta horizontala linio, ofte uzata por apartigi simbolojn en programlingvoj aŭ por substreki vorton per skribmaŝino.

trastreki

Fari oblikvajn strekojn tra io: la tero estis trastrekita per longaj nealtaj muroj.

ombrostreko

Paralelaj strekoj por prezenti la ombrojn en la desegnoj kaj gravuraĵoj.

vojstreko

Vojlinio: mi irigos vin sur rekta vojstreko^Z; la vojstrekon de malpiuloj ne iru^Z; transdonu la pastron al mia dispono kaj vi fariĝos liberaj ‐ alie via vojstreko finiĝos ĉi tie [6]. trajektorio, trako, vojsulko

    PIV1 aludas en rimarko, ke la baza senco de ~i estis
    el~i. Indus trovi ekzemplojn de tio kaj aldoni plian sencon
    kun la indiko (ark.).
    [MB]