tradukoj: be de en fr hu nl pl pt ru sv

⁸multiplik/i ^Z

multipliki

1.

[1] (nombron q per entjero n) Adicii n ekzemplerojn de la nombro q : multiplikante 5 per 3 oni ricevas 15.
Rim.: En nefaka kunteksto oni povas diri „multobligi“ anstataŭ „multipliki“. multobligi, obligi.

2.

[2](pli ĝenerale) Plenumi la operacion multipliko ²: multipliki reelojn, polinomojn, matricojn.

multipliko

1.

(elementa aritmetiko)[3] La operacio multipliki: 3×7 = 21 (legu: trioble sep estas dudek unu, aŭ tri multiplikite per sep estas dudek unu). multiplikato, multiplikanto.

2.

Simila operacio, kaj pli precize:

a)

[4] (en ringo) Ĝia dua operacio.

b)

(en modulo aŭ vektora spaco) Ĝia ekstera operacio.

c)

(de (n,p)-matrico A super K per elemento λ de K) Ekstera operacio, kies rezulto estas (n,p)-matrico kun ĝenerala elemento λA_ij: multipliko de matrico de A per skalaro λ havas saman rezulton kiel dekstra aŭ maldekstra multipliko per diagonala matrico, kies ĉiuj diagonalaj elementoj egalas al λ; provizite per multipliko per skalaro, la adicia grupo de (n,p)-matricoj fariĝas np-dimensia vektora spaco, kaj la ringo de (n,n)-matricoj fariĝas n²-dimensia lineara algebro.

d)

(de matricoj) matrica multipliko.

multiplikanto

Nombro, per kiu oni multiplikas alian nombron.

multiplikato

Nombro, kiun oni multiplikas per alia nombro. multiplikendo.
Rim.: Laŭ la donitaj difinoj estas malfacile distingi multiplikanton kaj multiplikaton, ĉar ĉiu el ili respondas al la difino de la alia. Pli oportune estas paroli pri „dekstra“ aŭ „maldekstra faktoro“.

matrica multipliko

(de (n,p)-matrico A per (p,q)-matrico B) Operacio, kies rezulto estas (n,q)-matrico C kun ĝenerala elemento C_ij = ∑_m A_im.B_mj, kie m varias inter 1 kaj p: la matrica multipliko ne estas difinita por ajna paro de matricoj; provizite per matricaj adicio kaj multipliko, la aro de ĉiuj (n,n)-matricoj, ricevas la strukturon de ringo, nekomuteca se n > 1, kies unuo estas la unuomatrico.

polinoma multipliko

Dua operacio en polinom-ringo: la ĝenerala termo S_n de la rezulto de multipliko de P kun Q estas ∑_p+q=n P_p.Q_q; la rezulto de multipliko de Xⁱ per X^j estas X^i+j.

    Kontroli trd de/en. [MB]
  

    Kontroli trd de/en/ru. [MB]