tradukoj: ar be bg cs de en es fa fr hu it nl pl pt ru sk sv tp tr

^*ĉambr/o [1]

^*ĉambro

1.

Ĉiu el la apartaj ejoj de domo, disigitaj per muroj aŭ vandoj, kaj komunikiĝantaj per pordoj.

a)

Ĉambro en loĝejo. ĉelo¹, kabineto¹, kamero¹

b)

Ĉambro ofica. aŭlo, salono, solenejo

2.

Ŝtata aŭ publika institucio, precipe asembleo, kaj ties oficejo aŭ kunvenejo: ĉambro de deputitoj;

ĉambristo

Servisto, kiu servas en loĝoĉambroj: li venis en tiu tempo, kiam la generalo nur ellitiĝis kaj kiam lia ĉambristo eble portis al li arĝentan ujon por lavado [2].

ĉambristino

Servistino, kies laboro estas purigi kai ordigi loĝoĉambrojn: ni havas diversajn servantojn: kuiriston, ĉambristinon, infanistinon kaj veturigiston [3]; ĉu vi vidis la ĉambristinon aŭ la kuiristinon? [4]; de dek du jaroj ŝi kudras por la bona sinjorino elegantajn vestojn dum tutaj noktoj, akre admonas ŝiajn ĉambristinojn kaj lakeojn, ĉiumatene metas sur ŝiajn piedojn ŝtrumpojn kaj ŝuojn [5].

antaŭĉambro

1.

Parto de loĝejo, ĉe la enirejo, kie oni demetas la mantelojn, ĉapelojn, pluvombrelojn, ktp. koridoro, vestiblo

2.

Salono, en kiu la vizitantoj de oficialulo aŭ eminentulo atendas la akcepton.

atendoĉambro

Atendejo, ĉambro, ĝenerale kun seĝoj, por atendado: mi atendis la kuraciston en atendoĉambro dum duonhoro.

banĉambro

Ĉambro por bano, duŝo, korpa purigado kaj flegado.

dormoĉambro

Ĉambro ordinare kvieta kaj taŭge ekipita por dormado. je la deka vespere ĉiuj estis en la dormoĉambroj, je la deka kaj duono la domo dormadis [6].

klasĉambro

Ĉambro en lernejo, kie klaso lernas: la klasĉambroj havis multajn fenestrojn por havigi sufiĉe da lumo [7].

komerca ĉambro

Komuna asocio de komercaj kompanioj, kiu servas ilin per reprezentado, informado, perado; ties oficejo: mian glason mi levas pro la bona stato, la gloro kaj la honoro de la urbo Bulonjo, la sano de la urbestraro, kaj de la reprezentanto de la komerca ĉambro [8].

lavĉambro

Ĉambro en kiu oni lavas sin aŭ tolaĵon. Adamo estas en lavĉambro kaj lavas sin. [9]; lavejobanĉambro

manĝoĉambro

Ĉambro por manĝado: koridoro, kiu kondukis de la vizitĉambro al la manĝoĉambro [10].

maŝinĉambro

Ĉambro en ŝipo kie estas la maŝinoj: oni enhejmiĝas, por tiel diri, en la maŝinĉambro [11].

skriboĉambro

Ĉambro por skriba, pensa laborado: kabineto¹, skribejo

vivoĉambro

Familia ĉambro, ĉefa parto de la loĝejo, kie la familio kunvenas.

vizitĉambro

Ĉambro, kie oni ricevas vizitantojn: koridoro, kiu kondukis de la vizitĉambro al la manĝoĉambro [13]. salono