tradukoj: be bg br cs de en es fr he hu it nl pl pt ru sv tp

^*man/o [1]

^*mano

1.

Ekstrema parto de ambaŭ brakoj de la homo, provizita per kvin fingroj kaj servanta por kapti kaj palpi: mi metis la manon sur la tablon [2]; etendi la manon al iu; teni ion per la mano; konduki infanon per la mano.

2.

Tiu sama organo rigardata kiel ilo de agado: ankoraŭ la gajno ne estas en la mano (= certa) (tro frue) [3]; havi ion sub la mano (tute disponeblan kaj pretan); havi pruvon en la mano^B; ekkapti iun kun la peko en la mano^Z (freŝa); kiel per turno de la mano (rapidege, subite) tio forpasis^Z; lasi fali la manojn (senkuraĝiĝi; paralizi) [4]; energie meti la manon al (ekpartopreni en) la laboro; ligi la manojn al iu (senigi iun je la libera agado).

3.

Tiu sama organo rigardata kiel ilo de povo, potenco: preni la regadon en la manojn^B; la afero sidas en bonaj manoj (sub bona gvidado); teni en siaj manoj la sorton de^Z; la sorto de la afero kuŝas en la manoj (dependas) de tiu ligo^Z; fali en la manojn (sub la povo) de iu^B. disponi, estri, mastri, posedi, regi

^*manumo

Ekstrema parto de la maniko, kiu ĉirkaŭas la manradikon, aŭ aparta peco da tolo almetebla al la maniko kaj ĉirkaŭanta la radikon: ĉemizojn, kolumojn, manumojn kaj ceterajn similajn objektojn ni nomas tolaĵo, kvankam ili ne ĉiam estas faritaj el tolo [5].

dekstramana

1.

Uzanta sian dekstran manon pli facile ol la maldekstran: oni estas dekstra- aŭ maldekstramana same denaske kiel oni estas ina aŭ malina [6].

2.

Rilata al la dekstra mano: serio de batoj per alterne dekstramana kaj maldekstramana bastonetoj interrompita de du sinsekvaj batoj per la sama mano [7].

duamana

(frazaĵo) Jam uzita, ne nova, brokanta; raportata, onidira: eblas multon fari ... aĉeti malpli, aĉeti duamanajn aferojn, partopreni en senmonaj interŝanĝaj retoj [8]; la homoj surstrate ekstere devos dependi de duamana raporto [9].

maldekstramana

1.

Uzanta sian maldekstran manon pli facile ol la dekstran: oni estas dekstra- aŭ maldekstramana same denaske kiel oni estas ina aŭ malina [10].

2.

Rilata al la maldekstra mano: serio de batoj per alterne dekstramana kaj maldekstramana bastonetoj interrompita de du sinsekvaj batoj per la sama mano [11].

ĉemane

Sufiĉe proksime, ke per la mano oni tuŝas aŭ facile povas atingi: juna vidvino estis survoje al tombo kun sia knabeto ĉemane [12]; ĉu vi havas tri fotografaĵojn ĉemane [13]?

ĉirkaŭmano

Braceleto portata ĉe la manradiko.

enmanigi

1.

Meti en la manon: enmanigi leteron, skatolon al iu^Z; li enmanigis al mi pakaĵeton da buterpanoj [14]; wręczać

2.

(figure) Meti sub la povon de iu: al mi vin enmanigis (vian sorton komisiis) la diino^Z. konfidi

manenmane kun, man-en-mane kun

Kun, fide kaj akorde, per reciproka helpo: Medicina Terminologia Centro, kiu laboru man-en-mane kun la Terminologia Centro de I.S.A.E [15].

peti ies manon

(frazaĵo) svati kun flamo en la brusto mi petas vian manon [16].

manartiko

Artiko de mano kun brako: tiel mallonga jako, ke oni povis tre bone vidi la longon de liaj manartikoj [17].

mandorso

Ekstera flanko de mano.

manlaboro

Laboro postulanta precipe muskolan penadon kontraste kun cerba laboro.

plenmano

manpleno la pastro prenu el ĝi plenmanon el la faruno [18].

manpleno

Tiom da io, kiom povas enteni mankavo: manpleno da ĉerizoj; la dioj faru al mi tion kaj pli, se la polvo de Samario sufiĉos, ke ĉiuj homoj, kiuj min sekvas, povu preni manplenon da ĝi [19]; li prenis el la teko manplenon da ĉervoncoj [20]; (figure) la manpleno da aktivuloj loĝis dise, kunvenis 1–2-foje jare por kelkaj horoj [21].

manradiko

manartiko

mansupro

mandorso

manuzi

Manipuli ilon per mano por elfari ion.