tradukoj: be br cs de en es fr hu nl pl pt ru sv

^*trov/i [1]

^*trovi

1.

Per serĉado (aŭ per okazo) renkonti ion, iun: mi ne povas trovi mian ŝlosilon; vi trovos la libron sur la tablo; eĉ unu polveron vi ne trovos sur lia vesto [2]; trovi rifuĝejon ĉe amiko; trovi fonton, trezoron, novan procedon, solvon de problemo; feliĉa estas la homo, kiu trovis saĝon kaj akiris prudenton^Z; mi ne povis trovi momenton por respondi vian leteron; unu el la plej belaj knabinoj, kiujn oni povis trovi [3]; trovi amikon ĉe klubo; trovinte neniun, kiu volus ŝin akcepti, ŝi baldaŭ mortis en angulo de arbaro [4]; mi trovis lin dormantan; mi trovis la domon forlasita; tiu sistemo trovis (akiris) multe da adeptoj^Z. eltrovi, trafi

2.

Sperti ian okazon, travivi ian senton, impreson: trovi la morton en akcidento; trovi plezuron en la malordo^Z; trovi enuon en io; trovi dankon^Z, favoron kaj bonan opinion ĉe iu^Z; trovi bonan akcepton, atenton, aprobon, simpation, helpon kontraŭstaron. ricevi, suferi 5, trafi 3

3.

Opinii ion aŭ iun tia: trovi la frukton bongusta^B; mi trovas la ideon ĝusta^Z; ĉio alia ... estas nur verkoj privataj, kiujn la esperantistoj – se ili trovas tion ĉi utila ... – povas rigardadi kiel modela [5]. li trovis ŝin bela; mi trovas superflue tie ĉi paroli detale pri tio^Z; mi trovis necesa doni la sekvantajn klarigojn^Z; oni trovas ebla kion oni deziras^Z. juĝi ², taksi

trovo

Atingo de io post serĉo aŭ per hazarda trafo: tiu elekto ne estis simpla netrovo de la bono, sed intenca faro^Z; ŝi venas kurante kaj rakontas pri sia trovo [6].

trovaĵo

Io, kion oni trovas: ŝi vidis ian libron, forgesitan kredeble de elirinta veturanto. ... Ŝi estis tre ĝoja je tiu ĉi neatendita trovaĵo [7].

^*troviĝi

1.

Esti trovata, renkontiĝi, ekzisti en iu loko: la „Fundamento de Esperanto“ devas troviĝi en la manoj de ĉiu bona esperantisto [8]; tiu floro troviĝas nur en Alpoj. esti, kuŝi, sidi, stari

2.

Iĝi en iu stato: ĉe l' veno de malvarmo cikado troviĝis senproviza; lia espero troviĝis trompita.

trovitaĵo

trovaĵo boteleto da spica brando estis jam metita en la pakaĵeton, kiam subite aperis la knaboj kun pli granda, pli ampleksa botelo, sia trovitaĵo [9].

^*bontrovo

Laŭplaĉa gusto aŭ decido, arbitra opinio: fari arbitre laŭ persona bontrovo ian ŝanĝon aŭ aldonon [10]; agu laŭ via bontrovo. fantazio

eltrovi

Trovi, distingi ion novan aŭ nekonitan: eltrovi novan planedon, novan metodon; ŝajnis tute neeble, ke la hindo inter la enpremoj de la piedoj de 200 homoj povus eltrovi la bezonatan postesignon [11]. la lastaj eltrovoj de la scienco; li eltrovis nur la jam eltrovitan Amerikon^Z (ion jam de ĉiuj konatan). elpensi, inventi, malkovri

retrovi

Trovi ion perditan, ne plu havatan: retrovi perditan braceleton; iu malsanulo retrovis la sanon [12]; mi tiel kuris, por esprimi al vi mian respekton, ke mi ne povas retrovi la spiron [13]; la perditan tempon oni ne povas retrovi.

^*sin trovi

1.

troviĝi ¹ trans la rivero sin trovis aliaj hirundoj [14]; la kaldrono, en kiu sin trovas bolanta akvo [15]; la fenestro sin trovis apud la pordo^Z; en nia lando sin ne trovas montoj [16].

2.

troviĝi ² sin trovi tute sola.