tradukoj: be cs de en es fr hu nl pt ru vo

^*far/i [1]

^*fari

1.

Estigi ion, eligante ĝin el nenio: kaj Dio faris la du grandajn lumaĵojn kaj la stelojn [2]. krei

2.

Estigi objekton, eligante ĝin el materio: la lignaĵisto faras tablojn [3]; fari maŝinon, paperon; bieron, statuon, ŝlosilon, domon, muron, vojon. fabriki, produkti, pretigi.

3.

Estigi verkon eligante ĝin el spirito; doni formon: fari verkon, romanon, versojn, tragedion, tradukon kompili, komponi, verki

4.

Plenumi agon; estigi efikon; okazigi rezulton: li tuj faris, kion mi volis [4]; mia vizito faris al li plezuron [5]; fari siajn klasikajn studojn, klasojn, sian taskon, sian devon; fari kurson, paroladon, ŝtelon^Z, rabon^Z, venĝon^Z, krimon, atakon, meson, miraklon; fari sukcesan kuracadon, profitan aferon; fari komercon, metion; fari feston^Z, Paskon^Z; havi multon farotan (por fari); dirite, farite [6]; kontraŭ faro farita ne helpas medito[7]; fari ordon^Z; tio nenion faras^Z (estas indiferenta); fari makulon^Z, rondon^Z; fari (formi) golfeton; fari vundon al iu, difekton al io; faru al li nenion malbonan [8] (figure) fari al si la vojon (trabati); fari doloron, timon^Z, embarason, favoraĵon, fidelaĵon^Z, perfortaĵon^Z, maljustaĵon, petolaĵon; fari honoron, komplezon, surprizon; fari eraron, diferencon, distingon inter; kaŝu malbenon kaj faru bonan mienon [9]; fari (prezenti) demandon; fari (alpreni) decidon; fari (konduki) militon; fari (eltiri) konkludon; fari (plenumi) servon^Z; fari (interkonsenti) kontrakton, pacon; fari (ekbruligi) fajron, lumon; kvin kaj sep faras dek du (kvin kaj sep rezultigas dek du) [10]; du botoj faras paron [11]; sesdek minutoj faras unu horon [12]. efektivigi, efiki, formi, kaŭzi

5.

Igi, doni ian econ al iu aŭ io, pasigi de iu stato en alian: oni faris lin generalo; tio faris lin ĝoja; fari ilin mokataĵo [13]; mi faros el viaj urboj dezerton [14]; fari al si oportune^Z (komforte kaj senceremonie sin aranĝi); el la neceseco oni devas fari virton [15]

6.

Agi iamaniere: faru laŭ via plaĉo; faru al ili (agu pri ili) kiel vi volas; mi ne sciis kion fari pri li, pri ĝi (kiamaniere agi); mi ne faris laŭ mia koro [16] (konduti); pentofari [17] (penti).

7.

(absolute)
Agi: kiu multe parolas, ne multe faras [18]; kritiki estas facile, fari malfacile [19]; ne parolu, sed faru; li faras nenion; nenionfaranto; nenifaranto.

faro

Tio, kion oni faras: juĝu laŭ faroj, ne laŭ paroloj^B; inter diro kaj faro estas maro^Z; pli da bruo ol da faro[20]; lupo ŝanĝas la harojn (mienon) sed ne la farojn [21]

farado

Daŭra produktado: farado de mebloj; vinfarado, vortfarado, versfarado.

fare de

de ⁴ la ekspluatado de la homo fare de la homo; ili konsentis pri reguligo de salajroj kaj laborkondiĉoj fare de la ministro; tia fiuzo de l' gastigemo fare de niaj societanoj estas tre bedaŭrinda; dum vizito al nia sidejo fare de tiuj fremdaj kolegoj; kelkaj membroj postulas la administradon de la filioj fare de la asekuritoj mem. far, flanke de ²

far

de ⁴, fare de rezisti al la malestimo far la homoj [22]; granda urbo preskaŭ tute forbalaita far titana kataklismo [23].

faraĵo^Z, faritaĵo^Z

Tio, kio estas farita de iu; produkto de la laboro; ellaboraĵo; verko.

farebla

Povanta esti farata, efektivigebla, realigebla.

faristo

Tiu kiu profesie faras, produktas: brandfaristo, versfaristo, panfaristo ist ¹

farigi^Z

Igi ke iu faru ion: farigi al si novan veston. komisii

^*fariĝi

1.

Esti farata, okazi: subite fariĝis nokto; mi ne memoras, kiel tio fariĝis.

2.

Veni de iu stato en alian; iĝi: la juna vidvino fariĝis denove fianĉino [24]; li fariĝis malsana (li malsaniĝis); fariĝi soldato, esperantisto; en infano vidiĝas, kia homo fariĝos [25]; kio fariĝis el (aŭ pri) mi?

fariĝo^Z

okazaĵo

alfari^Z

Alĝustigi, taŭgigi por, konformigi al: Bone alfarita vesto; alfari stenografian sistemon al (por) Esperanto adapti

antaŭfari

Anticipe fari: ŝi antaŭfaris la ŝmiron de mia korpo por la entombigo [26].

elfari^Z

Tute, komplete fari.

malfari^Z

Malestigi, detrui ion faritan: malfari dum la nokto la laboron de la tago.

bonfari^Z

Bonvole helpi proksimulon: bonfaranto ofte ricevas nur maldankon.

nenifaro, neniofaro

Senageco: plej verŝajne li dediĉas siajn tagojn al neniofaro, kiel la aliaj diboĉuloj [27]. fornosida

senfara^Z

Nenifaranta: Dion fidu, sed senfare ne sidu[28]; resti senfare^Z.