tradukoj: de en es fr hu nl pl ru

^*seri/o [1]

^*serio

1.

Finita aro da samspecaj kaj iel ordigitaj objektoj aŭ aferoj: serio da kaseroloj; serio da ŝlosiloj; serio da koloroj; serio da sonoj (gamo); la plena serio de la elektromagnetaj ondoj [2]; serio da poemoj (ciklo); por la intervaloj ekzistas du serioj de nomoj [3].

a)

Aro da iel similaj publikigaĵoj, eldonitaj kun unuforma aspekto, kelkfoje numeritaj, kaj kies totala nombro ne estas antaŭdifinita: serio Oriento-Okcidento; serio "Stafeto"; seriotitolo. biblioteko, kolektovolumoseriaĵo

b)

Teme aŭ tempe difinita subkolekto de periodaĵo: Informilo por Interlingvistoj, 7-a jaro, tria serio; nova serio.

c)

filmserio la ĉefa aktoro forlasis la serion [4]

2.

Vico da analogaj aferoj: el tiuj vortoj ĉiu povas jam fari al si grandan serion da aliaj^Z; antaŭ ili staris granda serio da pafilegoj^Z; serio da artikoloj; serio da interparoloj; serio de eksplodoj; tra serio da ĉambroj [5]; serio da katastrofoj (lavango); serio da demandoj (kaskado). ĉeno, sinsekvo

3.

[6] Vico u, konsiderata kune kun ties vico v de partaj sumoj (v_n = u₀+u₁+... +u_n): la harmona serio (kies ĝenerala termo egalas al 1/n) ne konverĝas; geometria serio (bazita sur geometria progresio) konverĝas, se kaj nur se la absoluta valoro de ĝia kvociento estas strikte malpli granda ol 1. termo, parta sumo, sumo, resto, konverĝa.
Rim.: Ne ekzistas formala diferenco inter la nocioj vico kaj serio. Ĉiun vicon oni povas konsideri ankaŭ kiel serion. La diferenco aperas nur, kiam temas pri konverĝo, ĉar por serio oni interesiĝas pli pri la konverĝo de la vico v, ol pri tiu de u.

seriaĵo

Ĉiu serie eldonita publikigaĵo: ĉiu periodaĵo estas seriaĵo, sed reciproke ne [7]. periodaĵo, serio ^1.a

filmserio, dramserio [8]

Tuto de filmoj prezentataj kiel sinsekvaj eroj de sama rakonto: mia frato antaŭ du semajnoj donacis al mi DVD-kopiojn de la filmserio „perdita“ [9]; al ŝi tre plaĉas la dramserio „la Ĵuro de Ĉangum“, kiu estis farita en Koreio [10]. felietono

potencoserio

(ĉirkaŭ punkto x₀) Serio de funkcioj, kies ĝenerala termo u_n(x) havas formon a_n(x-x₀)ⁿ: la partaj sumoj de potencoserio estas polinomaj funkcioj; elvolvi funkcion en potencoserion. konverĝocirklo, konverĝintervalo, konverĝoradiuso.

televidserio

Televidebla filmserio: „La vero estas tie ekstere“ eble vi spektis iufoje tiun famkonatan televidserion el Usono [12].

serio de funkcioj[13], funkciserio

Serio, kies termoj estas reelaj aŭ kompleksaj funkcioj.

entjera serio

potencoserio.

formala potencoserio, formala serio

(super komuteca unuhava ringo) Vico (u_n)_n∈N, kutime prezentata kvazaŭ temus pri „senfina polinomo“ per skribaĵo de la tipo ∑u_nXⁿ: la ringon de formalaj potencoserioj super ringo R oni kutime signas per R[[X]]; la frakcikorpon de ĉi tiu ringo oni kutime nomas korpo de formalaj potencoserioj kaj signas per R((X)); la reela polinomo 1-X akceptas kiel inverson la formalan potencoserion ∑Xⁿ.

      Mi permesis al mi forpreni la rusan tradukon
      последовательность, kiu ne ŝajnas al
      mi fake ĝusta, eĉ se veras, ke oni foje ne
      distingas "vico" kaj "serio". [MB]