tradukoj: be cs de en es fr he hu it nl pl pt ru sk

^*zorg/i

^*zorgi

1.

Serioze direkti sian atenton kaj aktivecon al ies bono: mi zorgas pri ŝi tiel kiel mi zorgas pri mi mem [1]; pli zorgas unu patrino pri dek infanoj ol dek infanoj pri unu patrino [2]; zorgu pri vi kaj nenion pli (nazo) [3]. flegi, klopodi, prigardi, varti

2.

Apliki sian atenton al io, por certigi ties bonan staton aŭ funkciadon: antaŭ ĉio zorgu oficon, plezuro atendos sian vicon [4]; zorgu vian metion, kaj ne miksu vin en alian [5]; zorgu vivon vian kaj lasu vivi alian [6]; faru vian aferon, Dio zorgos ceteron [7]; la celo de nia gazeto estas zorgi pri la vastigado de la lingvo^Z; zorgu, ke la reĝo ricevu la leterojn^Z; zorgi, ke la elektitoj estu homoj prudentaj^Z; estis malavare zorgita pri ĉiu societa bezono^Z. okupiĝi

3.

Maltrankviliĝi pro necerteco aŭ dubeco de io, kion oni konsideras grava: la malsato, pri kiu vi zorgas, persekutos vin^Z; riĉa zorgas pri ĉampano, malriĉa pri pano [8]; lingvo natura tute ne bezonas zorgi pri facileco^Z.

zorge de

De, kun la helpo de, plenumate de: oni surscenigas ... altnivelajn spektaklojn, zorge de la Torina Manifestacia Instanco [9]

zorgo

1.

Atenta penado certigi ies bonon aŭ feliĉon: nenio povas anstataŭi la patrinajn zorgojn^B; akcepti infanon sub sian zorgon^B.

2.

Malagrablaĵoj: de zorgoj, ne de faroj blankiĝas la haroj^Z; rusto manĝas la feron kaj zorgo la homon [10]; ĉiu morgaŭ havas sian zorgon [11]; la pezaj zorgoj premas mian bruston^Z; malpli da havo, malpli da zorgoj [12]; manĝu vian panon kun tremo, kaj trinku vian akvon kun ĉagreno kaj zorgoj [13]; se oni ne havas zorgojn pro pano, oni tiam faras al si zorgojn de amo. klopodo 2.

zorga

Kiu atentas, zorgas por bone kaj akurate agi: sub la zorga okulo de l' pastroj [14]; zorga esploro^B; zorge korekti la preserarojn. konscienca, skrupula

zorgema

Daŭre zorganta, akuratema, eventuale maltrankvila pri estonta stato de aferoj: sur ĉio estis vidata la mano de bona kaj zorgema mastrino [15]; ie proksime kuŝas bordoj de Baltiko, ie proksime bruas la vivo, zorgema, maltrankvila, malkvieta [16].

^*zorgato

Persono pri kiu oni zorgas, precipe neplenaĝa infano: Ijob estis irinta al Padar, por bonvenigi la malnovan amikon kaj liajn zorgatojn, alvenontajn per la granda karavano [17]; la zorgataro de paroĥestro.

^*zorganto

Persono, kiu zorgas pri iu, precipe pri neplenaĝa orfo: la juna reĝo venigis sian patron kaj zorganton kaj superŝutis ilin per trezoroj [18]. kuratoro ¹

antaŭzorgi

Zorgi pri io, kio ankoraŭ ne estas, ankoraŭ ne okazis, precipe por eviti aŭ malhelpi iun malbonon: por antaŭzorgi oni devas antaŭvidi; vi devas esti antaŭzorga kaj asekuri vin. antaŭtimi, puto

malzorgi

Malatenti ion aŭ iun, kiun oni devas zorgi: malzorgi sian sanon, profesion, devon, siajn aferojn, amikojn; mi ne malzorgos atente ekzameni tiun proponon; la partiaj kaj sindikataj gvidantoj malzorgas la interesojn de la proletaro, ne okupiĝante pri solvo al la mondlingva problemo [19]. neglekti, preterlasi

prizorgi

Flegi: prizorgi ĝardenon; viro mortis, kaj post lia morto neniu prizorgis lian nigran hundon [20].

senzorga

Ne maltrankvila pro zorgoj: senzorga vivo, ofico; li deziregis denove foriri en la drinkejon, por diboĉi kun siaj gajaj senzorgaj kolegoj [21]. luma, sennuba, serena