tradukoj: be bg ca cs de en es fr hu ku nl pl pt ru sk tp vo

^*vid/i [1]

^*vidi

1.

Senti per la okuloj, percepti la bildojn de objektoj: ni vidas per la okuloj [2]; li ne plu vidas (iĝis blinda); mi vidis lin fali; neniu okulo min vidu [3]; vi vidos la infanojn de viaj infanoj [4]; (figure) en sonĝo princinon mi vidis^Z; (figure) ke li ne vidu la tombon (ne mortu) [5]; (figure) vidi lumon^Z (vivi); (figure) ne vidama (rigardema) turismo enŝipigis nin^Z. distingi, observi, rigardi

2.

Ĉeesti, konstati: kelkaj homoj sentas sin la plej feliĉaj, kiam ili vidas la suferojn de siaj najbaroj [6]; baldaŭ ni vidis, ke ni trompiĝis [7]; mi vidas plezure, ke vi ne estas malsana^B; oni neniam vidis tian arogantecon; kaj Dio vidis, ke ĝi estas bona [8].

3.

Koni, kompreni: Dio vidas la fundon de nia koro^B; el la antaŭaj rimarkoj oni povas vidi mian opinion pri tio; mi ne povas vidi la signifon de tiuj vortoj; ĉu vi vidas nun nian eraron? Jakob vidis laŭ la vizaĝo de Laban, ke li ne estas rilate al li tia, kia li estis hieraŭ [9].

vido

1.

vidado je la vido de la virino ekfloris la floroj sur la tero [10].

2.

vidpovo la maljunulino, kiu havis malklaran vidon, ne rimarkis tion [11];

3.

(arkaismo) aspekto laŭ ŝia ekstera vido oni ne povis ŝin nomi maljunulino [12]; ĝi penis havi esprimon de seriozeco, kiu donis al ĝi vidon tre ridindan^Z.

vidado

1.

Sentado de la objektoj per la okuloj: fenestroj, kiuj donas vidon sur la straton; el tiu domo oni ĝuas belan vidon.

2.

vidpovo havi bonan, akran vidadon; perdi la vidadon.

vidaĵo

1.

Io, kion oni vidas: kvazaŭ trafita de terura vidaĵo [13]. spektaklo ²

2.

Desegno, fotografaĵo prezentanta ian vidaĵon.

videjo

Loko, de kie oni vidas pejzaĝon.

vidigi

Lasi aŭ igi iun vidi; montri: iliaj okuloj vidigas sangavidon [14].

vidiĝi

Sin montri, aperi: jen iu ŝipo, kiu vidiĝas kaj malaperas ie malproksime, jen fumstrio ĉe la horizonto [15]; lia vizaĝo akiris seriozan vidiĝon.

vidindaĵo

Kuriozaĵo, interesa aŭ bela aĵo, kiun oni volonte vidas: li ne laciĝis, kaj vizitis ĉiun vidindaĵon de Vieno [16].

antaŭvidi

Anticipe koncepti la estontecon, anticipe ricevi aŭ formi al si ideon pri la estonteco: mi antaŭvidos iliajn agojn kontraŭ mi kaj mi ĉiam forigos la danĝeron [17]; li vidis ĝuste en siaj antaŭvidoj pri la estonto de l' kapitalismo. antaŭflari, antaŭsenti, atendi, esperi, konjekti, supozi

aŭdvida

Uzanta por komuniko sonojn, bildojn kontraste al nura skribo: aŭdvidaj arkivoj [18]. sonbilda

ekvidi

Subite vidi ion, ĝin rimarki: ŝi elsaltis el la vagono, – kaj ŝi tuj ekvidis Arturon [19].

envido

introspekto la saĝuloj, kiuj praktikas koncentriĝon kaj envidon ..., tiajn ... eĉ la dioj tenas karaj [20].

ĝisrevidi

Adiaŭi dirante „ĝis revido“: tiuj, kiuj: „Bonan tagon!“ / aŭ kiuj: „Ĉu vi havas tabakon?“ / kiuj: „Dankon, mi ne fumas!“ / kiuj amindumas, / kiuj ĝisrevidas [21]; antaŭ unu horo proksimume ni ĝisrevidis niajn venezuelajn geamikojn [22].

intervidiĝi

Renkontiĝi kaj ekparoli kun unu aŭ pluraj personoj.

klarvida

Bone komprenanta situaciojn: la knabineto ja rimarkis ĉion per okuletoj tre klarvidaj [23].

nigrevidulo^Z

pesimisto

pretervidi

Ne vidi, kvankam oni povus; ne atenti, ne rimarki: la grandulino pretervidis la polican patrolaŭton, kiu senbrue kaj lante descendis la straton [24]

revidi

1.

Denove vidi ion, kion oni antaŭe vidis: eble mi lin revidos neniam [25]; ĝis la revido.

2.

revizii ²

travidi

Penetri per rigardo ion, kio ne malhelpas la vidon: travidi glason^B; travidi akvon; (figure) riĉulo estas saĝa en siaj okuloj, sed saĝa malriĉulo lin tute travidas [26].

travidebla

El tia substanco, ke oni povas vidi, kio estas trans ĝi: vitro estas rompebla kaj travidebla [27]; ŝia haŭto estis travidebla kaj delikata, kiel folieto de rozo [28]. diafana, kristala

vidalvide

En kontraŭa pozicio: vidalvide sur la alia bordo etendiĝas arbareto.

vidalvide al, vid-al-vide al

1.

Kontraŭ, kun vizaĝo aŭ fronto rigardanta al: la grafino sidis vidalvide al mi ĉe la tablo [29];

2.

Kontraŭ, iel reagante al la ĉeesto de: kvankam irlandanoj daŭre montras sin gastamaj, multaj lastatempe iĝas suspektemaj kaj malamikaj vid-al-vide al fremduloj [30].

vidpovo, vidkapablo

Kapablo senti bildojn de objektoj: La spiritlando estas ekster via / vidpovo, kaj la hom’ por vi plejaltas [31]; Georgo Lagranĝ’ ... estis trafita de okulmalsano, kiu tute perdigis al li la vidkapablon por unu okulo kaj la duonon de la vidkapablo por la alia [32].